اے خُدا معذرت

اے خُدا معذرت مَیں جہاں تھا وہیں رہ گیا، معذرت
اے زمیں معذرت ! اے خُدا معذرت

کچھ بتاتے ھوئے، کچھ چُھپاتے ھوئے
مَیں ھَنسا، معذرت ! رُو دیا، معذرت

خُود تمھاری جگہ جا کے دیکھا ھے اور
خُود سے کی ھے تمھاری جگہ معذرت

جو ھوا، جانے کیسے ھوا، کیا خبر
ایک دن مَیں نے خود سے کہا، معذرت

ھم سے گِریہ مکمل نہیں ھو سکا
ھم نے دیوار پر لکھ دِیا، معذرت

مَیں بہت دُور ھوں، شام نزدیک ھے
شام کو دو صدا، شکریہ ! معذرت